>
الى سيدي الحسين عليه السلام..بقلمي
شلون اوصفك؟؟
وانتة بين عيوني نظرة..
وبين شهكات النفس انتة الهوى..
وانتة بركان الفداء الماطفة لليوم جمرة
شلون اوصفك؟؟
وانه اسميك الغريب وساعة اسميك الشهيد
وساعة اسميك الذبيح الي يشع لليوم نحرة
وانتة تدري شمابجت لك تبقى دمعاتي قليلة
ويبقى مرهون وية اسمك صوت عبرة
وانتة تدري
شلون اجيك من الالم اعصر عيوني
واحس كل اوجاعي تبرة
سيدي ترابك دوة
سيدي حبك ضوة
والي مايندل ضواه يعيش اعمى وحار بامره
سيدي اعجاز انتة وبيك الف اية ودليل
سيدي نهجك كمر يضوي بدرب مظلم طويل
وانتة تدري الحق طريقه يصير موحش
لان ماداسة بشر
وانتة تدري..شكد حملنة احزان وهموم وقهر
كلشي لاجلك يابن سيد الاوصياء
ننطي ارواح ونرخص لك دماء
وانتة تدري
شلون مر بينة العمر
سنين فاتت عشنة بيهة على الامل
والامل ظل ينتظر تسطع عليه شمس الفجر
واحنة بين الانتظار وبين ساعات التمر
صغنة من شوكك كلايد
وندعي بجفوف اليقين ونشرب بكاس الصبر
واااه منك ياصبر
نمشي بالدرب الطويل ومنكطع بينة النفس
وانتة يامولاي تسمع كل موالي حتى لو يحجي بهمس
حتى صوت القلب يوصلك يابن خير البشر
كل عصر صاروا يسمونة بأسم
مرة اسمنة الرافضية
ومرة صرنة صفوية ومرة عباد القبر
هذا رأي الناصبية
وهمة حفنة من القذارة وكلهم احقاد وكفر
وخلهم شماكالوا احنة وياك يابن المصطفى لتالي العمر
والشجر من يثمر بأطيب ثمر
لابد يصيبه حجر
