جاوبني الغريب الماعرفته منين يابو ذر
أنت البصدگ معروف والهادي شهدلك من على المنبر
عمر منك نشد عنه وگلت ماعرف شخصه وگمت تتعتذر
غريب الوصف هذا منين ، ويا سر البشخصه انسر ،
جاوب عاشگ ومجنون وعگـل شاعر زغير اولو حچى گصّر
وعيون الشماته تحيطني ونيران مثل نار الخليل اعلى المحب تسعر
آنه بختك فريسه وطحت بين اذياب ،وچم نابل عليّه من الحقد كشّر
دليل اتريد مني الناس وخايف من ازل أبزلتي اتعيّر
عليك ابغربتك وبموتة الوحده تجاوب عني يابو ذر
گال احچي الصراحه وصيح زلمه البصدگ يجهر
گلت افصح بعد أكثر
گال اليرضه بالذله ذليل يعيش بالدنيه وعليّه حتى الطفل يجسر
گلت واليوفي حد الموت واليصدگ ابحبه ويرخص المنحر
گال اسمع تره سر النشدت اعليه انا جاهل ابشخصه ومثلك امحيّر
گلت عن ظاهره احجيلي ومناقب عدله لو تگدر
گال اسمع مناقب ماتعدها اقلام لو صار الزمن دفتر
گبل لاينولد بالبيت على ساگي العرش نوّر
وآدم من عصه ربه ذكر اسم الوصي وباسم الوصي استغفر
تريد امنين تبدي اوياه من ياجانب اتخيّر
گلت من مولده ابديلي گال البيت لاجله انطر
گلت بإيمانه تحجيلي گال ابيمنته الأصنام تتكسر
أبد ماسجد للأصنام ولا بالجاهليه اعتقد واتأثر
گلت عن العلم سولف گال انشد عمر ياباب يگصد ليه لو مخه وقف وابمعضله حجّر
گال انشد عمر ياباب يقصد ليه لو مخه وقف وابمعضله حجّر
گلتله ادخيلك اعذرني وعليّه استر ،
اذا أذكر عمر لاسامح الله بسوء بعض الناس تتكدر
اعگبه وخنسولف بالشجاعه اشلون بالحملات ابن عم النبي لو كر
گال اتصفح التاريخ واقره بكل روايه وشوف كل مصدر
ماتلگه خبر مكتوب عنه يقول يوم بمعركه أدبر
ابن ود يشهد بزوده ويشهد مرحب ويشهد حصن خيبر
عبادات الخلگ كلها يعادلها بطبرته المرتضى حيدر
علي بكل الشدد يحضر 000 علي مايوم يتعذر
علي ينطرد باسمه الشر 000 علي الساگي على الكوثر
علي الطاعن 000 علي الضارب 000 علي نجم الدجى الثاقب 000
علي هيبة محاچينا 000 علي گمرة ليالينه
علي للموت والينه 000 علي ياحكمة التنزيل
علي يامعمل التأويل 000 علي يلعلمت جبريل
علي المابايعك يخسر 000 علي العاداك يتأخر
وزير المصطفى الكرار قبل الدنيه يالسامع علي بسابع سمه توزر
بـــسم الله الرحمن الرحيـــم
والحمد لله رب العالمين
وصلى الله على محمد وآل محمد الأئمة والمهديين وسلم تسليما
علي بكل الشدد يحضر 000 علي مايوم يتعذر
علي ينطرد باسمه الشر 000 علي الساگي على الكوثر
علي الطاعن 000 علي الضارب 000 علي نجم الدجى الثاقب 000
علي هيبة محاچينا 000 علي گمرة ليالينه
علي للموت والينه 000 علي ياحكمة التنزيل
علي يامعمل التأويل 000 علي يلعلمت جبريل
علي المابايعك يخسر 000 علي العاداك يتأخر
