0000000000000000000000000000000000000000000000000
طه هذا اليوم زادت لوعته
بعمه سهم البين سدد ضربته
... ... ... ...
بعمه سهم البين من حان الأجل
ذاب كلبه عليه وتكطع وجل
هذا عمه السور ينعد كالجبل
ياجبل ياطود يشبه هيبته
... ... ... ...
ياجبل ياطود ياسيف العرب
دمع طه اليوم لفراكك يصب
انت سور الدين وافراكك صعب
كلب طه عليك ترهب حالته
... ... ... ...
حال طه ايصيح لفراكك يون
عمي حالي عليك حال الممتحن
عامي هذا عليك وشحته بحزن
والفرح وياك روحي مودعته
... ... ... ...
ياابوطالب حين فاركت العمر
فاركت وياك ياعم الصبر
وحيلي جنه وياك وسدته الكبر
وانت روح الدين عم وشيمته
... ... ... ...
انت روح الدين بيها شكد كبر
شيديته ابروح ماعرفت كبر
اذراع شد اذراع ماهبت الحذر
بهيبة المهيوب روحك رفعته
... ... ... ...
بهيبك الاسلام صيت اسمه ارتفع
من صرتله احزام وولادك درع
نوره فوك الكون بذراعك طلع
من سندت الدين ثبتت دعوته
... ... ... ...
من سندت الدين دين الله انتصر
والكفر والجور بشباحه اندحر
انت ابو الأيمان والضدك كفر
حيدر ابنك وانت تنظر صولته
... ... ... ...
حيدر ابنك وانت ابوخيرالرجال
وجعفرالضرغام خواض النزال
وانت وحدك فكرة ماكالت محال
اقطعت روح الجهل دست بريته
... ... ... ...
أقطعت روح الجور واخذلت الظلم
والشرع والدين بسمك محتزم
ياابو طالب انت للدين الحرم
واليريد ايصلي كون ابحضرته
منقول